Саудия Про-Лигасининг 27-туридан ўрин олган «Ал-Ҳилол» ва «Ат-Таавун» жамоалари ўртасидаги учрашув якунланди. Жамоалар Ар-Риёддаги (Саудия Арабистони) «Кингдом Арена» стадионида баҳс олиб боришди. Учрашувни португалиялик бош ҳакам Луиш Годинью бошқариб борди. Ўйин 2:2 ҳисобидаги дуранг билан якунланди.

Учрашувдаги илк голни 43-дақиқада мезбонлар ҳужумчиси Моҳамед Кадер Мейте киритди. Иккинчи бўлимнинг 56-дақиқасида «Ат-Таавун» ҳимоячиси Андрей Жиротто мувозанатни тиклади. 67-дақиқада Жиротто дубль қайд этди. Орадан 10 дақиқа ўтиб, «Ал-Ҳилол» ҳужумчиси Маркос Леонардо ҳисобни 2:2 кўринишига келтирди.

Шу тариқа, «Ал-Ҳилол» 27 та ўйиндан сўнг 65 очко жамғарди ва турнир жадвалида иккинчи ўринни эгаллаб турибди. «Ат-Таавун» эса 46 очко билан бешинчи поғонадан жой олган.