Россиялик футболчи Александр Головин ўтган мавсумда Про-лига чемпионига айланган "Ал-Иттиҳод" клубининг қизиқишлар доирасига тушди.
"Legalbet" нашрининг хабар беришича, Саудия клуби "Монако" аъзосини диққат билан кузатиб бормоқда. Қайд этилишича, Яқин Шарқдаги кескин вазиятга қарамай, клуб Европанинг топ-чемпионатларидаги қимматбаҳо ўйинчиларни кузатишда давом этмоқда.
Головин етти йилдан ортиқ вақтдан бери монегасклар шарафини ҳимоя қилиб келмоқда. У клуб сафида жами 263 та ўйин ўтказиб, 39 та гол урди ва 46 та голли узатмага муаллифлик қилди. Головиннинг "Монако" билан меҳнат шартномаси 2029 йилнинг ўрталарига қадар амал қилади, унинг трансфер қиймати эса 18 миллион еврога баҳоланмоқда.













