Италия А серияси 31-туридан ўрин олган учрашувда «Наполи» ва «Милан» ўзаро тўқнаш келди. Унда неаполликлар 1:0 ҳисобида ғалаба қозонди.

Учрашув тақдири 79-дақиқада ҳал бўлди. Маттео Политано ягона голга муаллифлик қилди.

Ушбу ғалабадан сўнг «Наполи» 65 очко билан турнир жадвалида 2-ўринга кўтарилди. «Милан» эса 63 очко билан 3-поғонада қолмоқда.

Келаси турда «Наполи» 12 апрель куни сафарда «Парма»га қарши майдонга тушади, «Милан» эса 11 апрель куни ўз майдонида «Удинезе»ни қабул қилади.

Италия А серияси. 31-тур
6 апрель 2026 йил, душанба. 23:45
«Наполи» (Неаполь) — «Милан» (Милан) — 1:0
Гол: Политано 79 (1:0)