"Ливерпуль" ярим ҳимоячиси Флориан Вирц жамоа бош мураббий Арне Слот учун ўйнашда давом этаётгани ҳақидаги саволга жавоб берди.

"Ҳа, албатта. Биз унга ишонамиз ва бу тўғри қарор, чунки ўтган мавсумда улар (мураббийлар штаби назарда тутилмоқда) чемпионатда ғолиб чиқишди. Бизда кўплаб яхши ўйинлар бўлди, ҳозиргидан кўра кўпроқ натижага эришишни истагандик. Бизда курашиш учун сабаблар етарли. Биз мураббийга ишонамиз", — дея Вирцнинг сўзларини келтиради журналист Фабрицио Романо.

31-турдан сўнг "Ливерпуль" Англия Премьер-лигаси турнир жадвалида 49 очко билан бешинчи ўринда бормоқда. Навбатдаги турда мерсисайдликлар ўз майдонида "Фулхэм"ни қабул қилади. Баҳс 11 апрель куни бўлиб ўтади.