"Liverpul" yarim himoyachisi Florian Virs jamoa bosh murabbiy Arne Slot uchun o‘ynashda davom etayotgani haqidagi savolga javob berdi.
"Ha, albatta. Biz unga ishonamiz va bu to‘g‘ri qaror, chunki o‘tgan mavsumda ular (murabbiylar shtabi nazarda tutilmoqda) chempionatda g‘olib chiqishdi. Bizda ko‘plab yaxshi o‘yinlar bo‘ldi, hozirgidan ko‘ra ko‘proq natijaga erishishni istagandik. Bizda kurashish uchun sabablar yetarli. Biz murabbiyga ishonamiz", — deya Virsning so‘zlarini keltiradi jurnalist Fabrisio Romano.
31-turdan so‘ng "Liverpul" Angliya Premyer-ligasi turnir jadvalida 49 ochko bilan beshinchi o‘rinda bormoqda. Navbatdagi turda mersisaydliklar o‘z maydonida "Fulxem"ni qabul qiladi. Bahs 11 aprel kuni bo‘lib o‘tadi.
