«Ливерпуль» бош мураббийи Арне Слот Чемпионлар Лигаси 1/4 финали доирасидаги «ПСЖ»га қарши илк ўйин олдидан ўз фикрларини билдирди. Мутахассис жамоасининг мавсум давомидаги ўйинида барқарорлик етишмаётганини тан олди, бироқ қийин дамларда клуб натижа кўрсата олишини таъкидлади.
«Бу мавсумда бизда кўплаб қийин лаҳзалар бўлди. Бир неча бор юқорига кўтарилдик, лекин кейин яна пастга шўнғидик. Биз яна ўша менталитетни намойиш этишимиз керак — муваффақиятсизликдан сўнг ўзимизни қўлга олишимиз лозим. Бу клуб кўп марта исботлаганки, биз мураккаб вазиятларда мутлақо ўзига хос ишларни амалга оширишга қодирмиз... Биз Европанинг энг кучли жамоалари билан рақобатлаша оламиз», — деди Слот.
«ПСЖ» ва «Ливерпуль» ўртасидаги чорак финалнинг биринчи учрашуви бугун, 8 апрель чоршанба куни Парижда бўлиб ўтади.
