«Liverpul» bosh murabbiyi Arne Slot Chempionlar Ligasi 1/4 finali doirasidagi «PSJ»ga qarshi ilk o‘yin oldidan o‘z fikrlarini bildirdi. Mutaxassis jamoasining mavsum davomidagi o‘yinida barqarorlik yetishmayotganini tan oldi, biroq qiyin damlarda klub natija ko‘rsata olishini ta’kidladi.
«Bu mavsumda bizda ko‘plab qiyin lahzalar bo‘ldi. Bir necha bor yuqoriga ko‘tarildik, lekin keyin yana pastga sho‘ng‘idik. Biz yana o‘sha mentalitetni namoyish etishimiz kerak — muvaffaqiyatsizlikdan so‘ng o‘zimizni qo‘lga olishimiz lozim. Bu klub ko‘p marta isbotlaganki, biz murakkab vaziyatlarda mutlaqo o‘ziga xos ishlarni amalga oshirishga qodirmiz... Biz Yevropaning eng kuchli jamoalari bilan raqobatlasha olamiz», — dedi Slot.
«PSJ» va «Liverpul» o‘rtasidagi chorak finalning birinchi uchrashuvi bugun, 8 aprel chorshanba kuni Parijda bo‘lib o‘tadi.
