«ПСЖ» ҳужумчиси Хвича Кварацхелия Чемпионлар лигаси чорак финалидан ўрин олган «Ливерпуль»га қарши дастлабки ўйиннинг (2:0) энг яхши футболчиси деб топилди. 25 ёшли грузиялик футболчи майдонда 90 дақиқа ҳаракат қилди ва битта гол муаллифига айланди.
«Ажойиб ўтказилган иккинчи бўлим фантастик гол билан якунланди. Ушбу маккор вингер бир нечта хавфли вазиятларни юзага келтириш билан бирга, жамоа ҳимоясига ҳам ўз ҳиссасини қўшди», — дея таъкидлади УEФА техник кузатувчилар гуруҳи.
Жавоб учрашуви бир ҳафтадан кейин, 22 апрель куни Англиядаги «Энфилд» стадионида бўлиб ўтади. Ўйин Тошкент вақти билан соат 00:00 да бошланади.
