«PSJ» hujumchisi Xvicha Kvarasxeliya Chempionlar ligasi chorak finalidan o‘rin olgan «Liverpul»ga qarshi dastlabki o‘yinning (2:0) eng yaxshi futbolchisi deb topildi. 25 yoshli gruziyalik futbolchi maydonda 90 daqiqa harakat qildi va bitta gol muallifiga aylandi.

«Ajoyib o‘tkazilgan ikkinchi bo‘lim fantastik gol bilan yakunlandi. Ushbu makkor vinger bir nechta xavfli vaziyatlarni yuzaga keltirish bilan birga, jamoa himoyasiga ham o‘z hissasini qo‘shdi», — deya ta’kidladi UEFA texnik kuzatuvchilar guruhi.

Javob uchrashuvi bir haftadan keyin, 22 aprel kuni Angliyadagi «Enfild» stadionida bo‘lib o‘tadi. O‘yin Toshkent vaqti bilan soat 00:00 da boshlanadi.