Лондоннинг «Челси» клуби бўлажак трансфер ойнасида ҳужум чизиғини кучайтиради. Машҳур журналист Бен Жейкобснинг маълумотларига кўра, «кўклар»нинг асосий мақсадларидан бири — ҳам чап қанотда, ҳам ҳужум марказида ўйнай оладиган ҳужумкор футболчи билан шартнома имзолаш ҳисобланади.
Лиам Росиньор жамоаси Премьер-лиганинг жорий мавсумида 31-турдан сўнг турнир жадвалида олтинчи ўринни эгаллаб турибди. Якшанба куни, 12 апрель куни пойтахт жамоаси ўз майдонида чемпионатнинг навбатдаги тури доирасида «Манчестер Сити»ни қабул қилади.
Ўтган ёзда «Челси» янги ўйинчилар учун тахминан 330 млн евро сарфлаган бўлса, футболчилар сотувидан бундан ҳам кўпроқ маблағ ишлаб олган эди.
