«Интер» клуби ярим ҳимоячи Ҳоқон Чалханўғлини ўз таркибида сақлаб қолмоқчи.
La Gazzetta dello Sport нашрининг хабарига кўра, Милан клуби туркиялик футболчи билан шартномани 2028 йилгача узайтириш имкониятини кўриб чиқмоқда. «Интер» бош мураббийи Кристиан Киву футболчини жамоада олиб қолиш истагида, чунки унинг ўйин услубини ўз тактикаси учун ноёб деб ҳисоблайди.
Ҳоқон Чалханўғли 2021 йилда «Милан»дан эркин агент сифатида «Интер»га ўтган эди. Унинг амалдаги шартномаси 2027 йилнинг 30 июнига қадар мўлжалланган. Жорий мавсумда ярим ҳимоячи миланликлар сафида барча турнирларда 27 та ўйинда майдонга тушиб, 10 та гол урди ва 5 та голли узатмани амалга оширди.
