«Реал» «Жирона»ни мағлуб эта олмаган (1:1 ҳисобидаги дуранг) бўлса-да, Ла Лигада кучли тўртликдан жой олишини нақд қилди ва кейинги мавсум учун Чемпионлар лигаси йўлланмасини қўлга киритди.
«Қаймоқранглилар» УEФАнинг энг нуфузли клублар турнири — 2026/2027 йилги мавсумнинг асосий босқичида иштирок этиши аниқ бўлган бешинчи жамоага айланди. Ҳозирга келиб келаси мавсумдаги Чемпионлар лигасининг асосий босқич йўлланмасини қуйидаги жамоалар нақд қилиб улгуришган:
«Барселона», «Арсенал», «Бавария», ПСВ ва «Реал».
Чемпионлар лигасининг умумий босқичида жами 36 та жамоа иштирок этади. Яқин ҳафталар ичида ушбу рўйхат бошқа клублар билан ҳам бойиб боради.
Эслатиб ўтамиз, 14 ва 15 апрель кунлари жорий мавсумдаги Чемпионлар лигасининг чорак финал жавоб учрашувлари бўлиб ўтади.
