«Real» «Jirona»ni mag‘lub eta olmagan (1:1 hisobidagi durang) bo‘lsa-da, La Ligada kuchli to‘rtlikdan joy olishini naqd qildi va keyingi mavsum uchun Chempionlar ligasi yo‘llanmasini qo‘lga kiritdi.

«Qaymoqranglilar» UEFAning eng nufuzli klublar turniri — 2026/2027 yilgi mavsumning asosiy bosqichida ishtirok etishi aniq bo‘lgan beshinchi jamoaga aylandi. Hozirga kelib kelasi mavsumdagi Chempionlar ligasining asosiy bosqich yo‘llanmasini quyidagi jamoalar naqd qilib ulgurishgan:

«Barselona», «Arsenal», «Bavariya», PSV va «Real».

Chempionlar ligasining umumiy bosqichida jami 36 ta jamoa ishtirok etadi. Yaqin haftalar ichida ushbu ro‘yxat boshqa klublar bilan ham boyib boradi.

Eslatib o‘tamiz, 14 va 15 aprel kunlari joriy mavsumdagi Chempionlar ligasining chorak final javob uchrashuvlari bo‘lib o‘tadi.