Ҳозирда «Барселона» спорт директори лавозимида фаолият юритаётган машҳур португалиялик собиқ футболчи Деку Неймар ҳақидаги фикрлари билан ўртоқлашди.
«Сантос»нинг 34 ёшли ҳужумчиси бўлажак Жаҳон чемпионатини ўтказиб юбориши мумкин. Тахминларга кўра, Карло Анчелотти юлдузли футболчини мундиал қайдномасига киритишни режалаштирмаяпти.
«Шубҳасиз, Неймар — сўнгги йилларнинг энг яхши бразилиялик футболчиси. Ва бутун дунёдаги энг зўрлардан бири. Ажойиб йигит, истисновий инсон. Мен унга фақат энг яхши тилакларни тилайман. Уни ЖЧ-2026да кўришни жуда хоҳлардим. Нима содир бўлишини олдиндан айта олмайман, чунки унинг кундалик ҳаётини диққат билан кузатиб бораётганим йўқ», — дея Декунинг сўзларини келтирмоқда Mundo Deportivo.
Неймар 2013 йилдан 2017 йилгача «Барселона» шарафини ҳимоя қилган.
