Португалия терма жамоаси собиқ футболчиси Деку Саудиянинг "Ан-Наср" клубида тўп сураётган 41 ёшли ҳужумчи Криштиану Роналдунинг ўйини ҳақида ўз фикрлари билан ўртоқлашди.
"Бундай ментал кучга эга бўлган бошқа бирор спортчи йўқ. Мен учун у ўз устида ишлашга ва ривожланишга энг кўп берилган инсон эди. Айнан шу хислат уни тарихдаги энг буюк ўйинчилардан бирига айлантирди", - дея Декунинг сўзларини келтиради Globo Esporte нашри.
Жорий мавсумда юлдузли ҳужумчи "Ан-Наср" сафида барча турнирларда 27 та ўйинда иштирок этди. У ўз ҳисобига 24 та гол ва 4 та голли узатмани ёздириб қўйишга муваффақ бўлди.
