Англия Премьер-лигасининг 32-тури якунларига кўра, «Манчестер Сити» «Арсенал» билан орадаги фарқни қисқартиришга муваффақ бўлди.

Пеп Гвардиола шогирдлари бугун «Челси»ни тор-мор этди (3:0), «тўпчилар» эса кеча «Борнмут»га имкониятни бой беришганди (1:2).

Лондонликлар ҳамон 70 очко билан турнир жадвалида пешқадамлик қилишмоқда. «Шаҳарликлар» ҳисобида 64 очко мавжуд ва уларда захира ўйини бор.

55 очко тўплаган «Манчестер Юнайтед» учинчи ўринни эгаллаб турибди. «Қизил иблислар» душанба куни «Лидс»га қарши майдонга тушишади. «Астон Вилла» ҳам 55 очко билан 4-ўринда бормоқда. «Ливерпуль» 52 очко билан 5-поғонани, «Челси» эса 48 очко билан 6-қаторни эгаллаб турибди.

Келаси турда, 19 апрель куни «Манчестер Сити» ўз майдонида «Арсенал»ни қабул қилади.