Қатарнинг «Ас-Садд» клуби Элит Осиё Чемпионлар лигаси 1/8 финали доирасида Саудия Арабистонининг «Ал-Ҳилол» жамоасини мағлуб этди. Асосий вақт 3:3 ҳисобида якунланди, пенальтилар сериясида эса қатарликлар 4:2 ҳисобида зафар қучишди.

Меҳмонлар сафида Клаудиньо гол урди (36-дақиқа) ва ўз ҳисобига битта голли узатмани ҳам ёздириб қўйди. Шунингдек, Рафа Мухика (58) ва Роберто Фирмино (70) ҳам биттадан тўп киритишди.

Саудияликлар сафида Сергей Милинкович-Савич (29), Салим ал-Довсари (55) ва Маркос Леонардо (67) гол муаллифига айланишди.

Пенальтилар сериясида Қатар клуби футболчилари аниқроқ ҳаракат қилишди — 4:2. Клаудиньо ўз имкониятидан унумли фойдаланди.

Осиё Чемпионлар лигаси 1/8 финал
«Ал-Ҳилол» (Саудия Арабистони) — «Ас-Садд» (Қатар) — 3:3 (пенальтилар бўйича — 2:4)

Голлар: Милинкович-Савич, 29 (1:0), Клаудиньо, 36 (1:1), ал-Довсари, 55 (2:1), Мухика, 58 (2:2), Маркос Леонардо, 67 (3:2), Фирмино, 70 (3:3).