«Манчестер Юнайтед» ҳимоячиси Лисандро Мартинес «Лидс»га қарши ўйинда Доминик Калверт-Льюин билан кураш вақтида унинг сочидан тортгани учун қизил карточка олди. Ушбу вазиятни «товуслар» устози Даниэль Фарке қуйидагича изоҳлади:
«Мен ҳали вазиятни қайта кўриб чиқмадим. Сочдан тортиш — бу қизил карточка. Агар ВАР (VAR) айтган бўлса ва ҳакам вазиятни кўриб қарор қабул қилган бўлса — демак, бу қизил карточка. Мен такрорий лавҳани кўрмадим. Бироз хавотирландим, чунки бизда яхши импулс бор эди. Баъзида рақиб футболчисининг четлатилиши ўйин тизгинини ўзгартириб юбориши мумкин. Мен бу вазият ёки бироз эртароқ содир бўлишини, ёки ўйин 11 га 11 кўринишида давом этишини афзал кўрган бўлардим. Лекин шикоят қилмайман — биз ғалаба қозондик», — деди Фарке Sky Sports нашрига.
«Лидс» кўпчилик бўлиб ўйнаган вақтида гол ўтказиб юборган бўлса-да, «Олд Траффорд»да 2:1 ҳисобида ғалаба қозонди.
