Мадриднинг «Реал» клуби Чемпионлар лигаси 1/4 финали доирасида «Бавария»га қарши кечадиган жавоб учрашувига тайёргарлик кўрмоқда. Ўз майдонидаги 1:2 ҳисобидаги мағлубиятдан сўнг мадридликлар қийин ҳолатда қолишган. Шунга қарамай, клуб ичидаги манбаларнинг таъкидлашича, Альваро Арбелоа ва унинг штаби ярим финалга чиқиш имкониятига тўлиқ ишонишмоқда.

«Реал» мураббийлар штаби таҳлил ва тайёргарлик жараёнини қизғин олиб борди. «Қаймоқранглилар» жамоа муваффақиятга эриша олишига шубҳа қилишмаяпти.

«Ҳамма нарса футболчиларнинг ўзига боғлиқ бўлади», — дея қайд этган «Реал» ичидаги манбалар.

«Бавария» — «Реал» учрашуви чоршанба, 15 апрель куни бўлиб ўтади. Ўйин Тошкент вақти билан соат 00:00 да (16 апрелга ўтар кечаси) бошланади.