"Барселона" ярим ҳимоячиси Гави Чемпионлар Лигаси 1/4 финалининг жавоб учрашувида каталонияликлар "Атлетико"дан анча устун бўлганини таъкидлади.
"Натижа жуда аламли. Биз "Атлетико"дан анча яхшироқмиз, лекин гол уриш ҳаммасидан муҳим, улар эса биздан кўпроқ гол уришди. Эҳтимол, уларда бундай ўйинларда тажриба кўпроқдир, бу ҳам ўз ролини ўйнайди. Бутун ўйин давомида биз уларни "картошка билан қўшиб едик" (бу идиома рақиб устидан тўлиқ устунликни англатади).
Футболда шунақаси ҳам бўлиб туради. Уларда битта имконият бўлади ва улар гол уришади — бу эса бутун қарама-қаршилик тақдирини ҳал қилади ва сиз уйга йўл оласиз. Худди шундай бўлди", — деди Гави TNT Sports México нашрига берган интервьюсида.
