"Барселона" ярим ҳимоячиси Марк Касадо "Наполи" эътиборига тушди. Италия Серия А гранди испаниялик футболчига ўтган ёзда ҳам даъвогарлик қилганди, аммо ўшанда у қолишга қарор қилган. Энди эса, тарқалган миш-мишларга кўра, унинг кетиши эҳтимоли юқори, чунки Ханси-Дитер Флик ўйинчини асосий таркибда кўрмаяпти.
Get Football News Italy хабарига кўра, "Наполи" спорт директори Жованни Манна ярим ҳимоячини диққат билан кузатмоқда. Потенциал трансфер нархи тахминан 30 миллион евро. Марк Касадога, шунингдек, Англия Премьер-лигаси вакиллари ҳам қизиқиш билдирмоқда.
Жорий мавсумда 22 ёшли футболчи "Барселона"нинг 30 та ўйинида иштирок этиб, битта голли узатмани амалга оширди.
