"Barselona" yarim himoyachisi Mark Kasado "Napoli" e’tiboriga tushdi. Italiya Seriya A grandi ispaniyalik futbolchiga o‘tgan yozda ham da’vogarlik qilgandi, ammo o‘shanda u qolishga qaror qilgan. Endi esa, tarqalgan mish-mishlarga ko‘ra, uning ketishi ehtimoli yuqori, chunki Xansi-Diter Flik o‘yinchini asosiy tarkibda ko‘rmayapti.

Get Football News Italy xabariga ko‘ra, "Napoli" sport direktori Jovanni Manna yarim himoyachini diqqat bilan kuzatmoqda. Potensial transfer narxi taxminan 30 million yevro. Mark Kasadoga, shuningdek, Angliya Premyer-ligasi vakillari ham qiziqish bildirmoqda.

Joriy mavsumda 22 yoshli futbolchi "Barselona"ning 30 ta o‘yinida ishtirok etib, bitta golli uzatmani amalga oshirdi.