Лондоннинг «Челси» клуби ҳаммуаллифи Бехдад Эгбали жамоа мухлисларига мурожаат қилиб, «аристократлар»ни қийин дамларда қўллаб-қувватлашни сўради.
Унинг сўзларига кўра, бундан атиги ярим йил аввал жамоанинг ишлари юришиб турган пайтда ҳамма хурсанд эди, ҳозирда эса футболчилар кескин танқидлар остида қолишмоқда.
«Биз клуб муваффақиятга эришишини истаймиз. Бор эътиборимизни майдонда яхши натижалар кўрсатишга қаратганмиз. Ҳозирда вазиятни ўнглаш учун нималар қилиш мумкинлигини ҳар томонлама таҳлил қилмоқдамиз», — дея Эгбалининг сўзларини келтиради Фабрицио Романо.
32-турдан сўнг «Челси» 48 очко билан турнир жадвалида олтинчи ўринни эгаллаб турибди. Эслатиб ўтамиз, 2025 йилнинг ёзида жамоа янги форматда ўтказилган илк клублар ўртасидаги жаҳон чемпионатида сенсацион тарзда ғолиб чиққан эди.
