Германиянинг «РБ Лейпциг» клубига тегишли бўлган ҳужумкор ярим ҳимоячи Ян Диоманде фаолиятини Франция Лига 1да давом эттириши мумкин. Бу ҳақда L’Équipe нашри хабар бермоқда.
Журналистларга маълум бўлишича, 19 ёшли вингерни ўз сафига қўшиб олишга «ПСЖ» қизиқиш билдирмоқда. Парижликлар спорт директори Луиш Кампуш истиқболли футболчининг агентлари билан дастлабки музокараларни ўтказди.
Диоманденинг бозор қиймати 75 миллион еврога баҳоланмоқда. Ивуарлик футболчининг «буқалар» билан амалдаги меҳнат шартномаси 2030 йилнинг июнь ойи охиригача мўлжалланган. Жорий мавсумда вингер 32 та учрашувда иштирок этиб, 13 та гол ва 8 та голли узатмага муаллифлик қилди.
