«Барселона» бош мураббийи Ханси Флик клуб билан амалдаги шартномасини узайтириш ниятида эканлигини тасдиқлади. Немис мутахассиси каталонияликлар билан ҳамкорликни давом эттириш унинг асосий режаси эканини очиқлади.
«Албатта, шартномани узайтиришни истайман. Бу менинг режам. Шуни очиқ айта оламанки, «Барселона» — менинг мураббийлик фаолиятимдаги охирги манзилимдир. Ҳозирда ўзимни бу ерда жуда яхши ҳис қиляпман», — деди Флик.
Шунингдек, мураббий ҳозирда бор эътиборини майдондаги натижаларга қаратганини қўшимча қилди:
«Янги келишув ҳақида батафсил гапириш учун ҳозир қулай вақт эмас, чунки яқин ҳафталарда олдимизда жуда катта мақсадлар турибди. Биз бор эътиборимизни ўйинларга қаратишимиз керак».
