«Barselona» bosh murabbiyi Xansi Flik klub bilan amaldagi shartnomasini uzaytirish niyatida ekanligini tasdiqladi. Nemis mutaxassisi kataloniyaliklar bilan hamkorlikni davom ettirish uning asosiy rejasi ekanini ochiqladi.
«Albatta, shartnomani uzaytirishni istayman. Bu mening rejam. Shuni ochiq ayta olamanki, «Barselona» — mening murabbiylik faoliyatimdagi oxirgi manzilimdir. Hozirda o‘zimni bu yerda juda yaxshi his qilyapman», — dedi Flik.
Shuningdek, murabbiy hozirda bor e’tiborini maydondagi natijalarga qaratganini qo‘shimcha qildi:
«Yangi kelishuv haqida batafsil gapirish uchun hozir qulay vaqt emas, chunki yaqin haftalarda oldimizda juda katta maqsadlar turibdi. Biz bor e’tiborimizni o‘yinlarga qaratishimiz kerak».
