Лондоннинг «Челси» клуби Англия Премьер-лигасида ҳимояланиш борасида ўта оғир кунларни бошдан кечирмоқда. Жамоа қаторасига уч ойдан бери чемпионат доирасидаги ўйинларда гол ўтказиб келмоқда.
Лиам Росеньор шогирдлари АПЛнинг 34-турида «Брайтон»га йирик ҳисобда (0:3) имкониятни бой беришди. Бу лондонликлар учун чемпионатдаги қаторасига 12-ўйин бўлдики, унда дарвоза дахлсизлиги сақлаб қолинмади.
Статистик маълумотларга кўра, бу «аристократлар» учун XXI асрдаги энг ёмон кўрсаткич ҳисобланади. Премьер-лига ташкил этилгандан бери эса бу борада иккинчи энг салбий серия сифатида қайд этилди. Клуб антирекорди 1996/97 йилги мавсумда ўрнатилган бўлиб, ўшанда «кўклар» кетма-кет 13 та ўйинда гол ўтказишган эди.
