Осиё Чемпионлар Лигаси 2 ярим финали доирасида Саудия Арабистонининг "Ан-Наср" жамоаси Қатарнинг "Ал-Аҳли" клуби устидан 5:1 ҳисобида йирик ғалабани қўлга киритди.
Ушбу муваффақиятдан сўнг Риёд клуби юлдузи Криштиану Роналду ижтимоий тармоқлардаги саҳифаси орқали янги пост қолдирди.
"Финал сари олға! Жамоам билан фахрланаман", — деб ёзади 41 ёшли португалиялик тўпурар.
Мазкур учрашувда Криштиану майдонда қарийб 80 дақиқа ҳаракат қилди, бироқ рақиб дарвозасини ишғол эта олмади.
Энди нуфузли турнирнинг ҳал қилувчи баҳсида "Ан-Наср" жамоаси Япониянинг "Гамба Осака" клубига қарши майдонга тушади. Ҳал қилувчи финал учрашуви 16 май куни бўлиб ўтиши режалаштирилган.
