Osiyo Chempionlar Ligasi 2 yarim finali doirasida Saudiya Arabistonining "An-Nasr" jamoasi Qatarning "Al-Ahli" klubi ustidan 5:1 hisobida yirik g‘alabani qo‘lga kiritdi.
Ushbu muvaffaqiyatdan so‘ng Riyod klubi yulduzi Krishtianu Ronaldu ijtimoiy tarmoqlardagi sahifasi orqali yangi post qoldirdi.
"Final sari olg‘a! Jamoam bilan faxrlanaman", — deb yozadi 41 yoshli portugaliyalik to‘purar.
Mazkur uchrashuvda Krishtianu maydonda qariyb 80 daqiqa harakat qildi, biroq raqib darvozasini ishg‘ol eta olmadi.
Endi nufuzli turnirning hal qiluvchi bahsida "An-Nasr" jamoasi Yaponiyaning "Gamba Osaka" klubiga qarshi maydonga tushadi. Hal qiluvchi final uchrashuvi 16 may kuni bo‘lib o‘tishi rejalashtirilgan.
