«Хетафе» Ла Лиганинг 33-турида «Реал Сосьедад» устидан сафарда ғалаба қозонди (1:0) — қизиғи шундаки, меҳмонлар ўйин давомида рақиб дарвоза соҳасига бирорта ҳам аниқ зарба йўллашмади.

Меҳмонлар 29-дақиқада Хон Горрочатеги томонидан киритилган автогол эвазига зафар қучишди. Учрашув давомида «Хетафе» жами 5 та зарба берди, бироқ уларнинг ҳеч бири дарвоза соҳасига аниқ бормади. Майдон эгалари эса дарвоза томон 13 та зарба йўллашди, шулардан 4 таси аниқ чиқди.

«Хетафе» ўз тарихида илк бор Ла Лига доирасидаги ўйинда дарвозага бирорта ҳам аниқ зарба бермасдан ғалаба қозонишга муваффақ бўлди. Жамоа шу кунгача чемпионатдаги 792 та учрашувда жами 252 та ғалабани қўлга киритган.