«ПСЖ» хўжайини Нассер ал-Хелайфий клуб бош мураббийи Луис Энрикега мақтовлар ёғдиришдан чарчамаяпти. Испаниялик мутахассис 2023 йилда жамоани қабул қилиб олди ва «ПСЖ» учун одатий бўлиб қолган ички чемпионатдаги гегемониядан ташқари, клубни Чемпионлар лигасидаги ғалабага ҳам етаклаб келди.
«У мен ҳаётимда учратган энг яхши инсонлардан бири. Мураббий танлашда адашмаганман, бу — клубга эгалик қилаётган давримдаги энг тўғри қарорим бўлди», — дея ал-Хелайфийнинг сўзларини келтирмоқда The Forum.
Эслатиб ўтамиз, Чемпионлар лигасининг жорий мавсуми ярим финалида «ПСЖ» Мюнхеннинг «Бавария» клуби билан тўқнаш келади. Шу билан бирга, жамоа Лига 1 турнир жадвалида ҳам пешқадамлик қилмоқда.
