«Комо» бош мураббийи Сеск Фабрегас «Челси» томонидан унга бўлаётган қизиқиш ҳақидаги маълумотларга изоҳ берди. Чоршанба куни, 22 апрель куни Лондон клуби Лиам Росеньор ишдан бўшатилганини эълон қилган эди.
«Бу борада айтадиган гапим йўқ. Ҳозир бу ҳақда ўйлаш аҳмоқлик бўларди. Мен ҳатто президентимизнинг бу масала бўйича бирор гапини кўрганим ҳам йўқ. Фаолиятимни «Комо» бош мураббийи сифатида давом эттиришимга ишонаман», — дея Фабрегаснинг сўзларини келтиради журналист Фабрицио Романо ўзининг Х ижтимоий тармоғидаги саҳифасида.
Фабрегас 2024 йил ёзидан бери «Комо»ни бошқариб келмоқда. Италия чемпионатининг 33 туридан сўнг жамоа 58 очко жамғариб, бешинчи ўринни эгаллаб турибди. Испаниялик мутахассиснинг амалдаги меҳнат шартномаси 2028 йил ёзигача мўлжалланган.
