Кевин де Брёйне «Кремонезе»га қарши ўйинда учинчи голни урди ва унинг жамоаси 4:0 ҳисобида йирик ғалабага эришди. Кейинчалик маълум бўлишича, бу муваффақият бельгиялик футболчи учун юбилей — Европанинг кучли бешлик чемпионатларида урган 100-голи бўлди. У фаолияти давомида учта топ-лигада — Серия А дан ташқари, Англия ва Германия чемпионатларида ҳам гол уришга муваффақ бўлган.

«Бу менинг юзинчи голим эканини билмаган ҳам эдим, лекин бу натижа билан фахрланаман. Юқори даражада ўйнаш менга завқ бағишлайди. Умид қиламанки, ҳали голлар кўп бўлади. Бу юбилейни қандай нишонлайман? Оилам билан бирга байрам қиламан», — дея де Брёйненинг сўзларини келтиради calcionapoli1926.it.

Эслатиб ўтамиз, Кевин ўтган йилдан бери «Наполи» шарафини ҳимоя қилиб келмоқда.