Kevin de Bryoyne «Kremoneze»ga qarshi o‘yinda uchinchi golni urdi va uning jamoasi 4:0 hisobida yirik g‘alabaga erishdi. Keyinchalik ma’lum bo‘lishicha, bu muvaffaqiyat belgiyalik futbolchi uchun yubiley — Yevropaning kuchli beshlik chempionatlarida urgan 100-goli bo‘ldi. U faoliyati davomida uchta top-ligada — Seriya A dan tashqari, Angliya va Germaniya chempionatlarida ham gol urishga muvaffaq bo‘lgan.
«Bu mening yuzinchi golim ekanini bilmagan ham edim, lekin bu natija bilan faxrlanaman. Yuqori darajada o‘ynash menga zavq bag‘ishlaydi. Umid qilamanki, hali gollar ko‘p bo‘ladi. Bu yubileyni qanday nishonlayman? Oilam bilan birga bayram qilaman», — deya de Bryoynening so‘zlarini keltiradi calcionapoli1926.it.
Eslatib o‘tamiz, Kevin o‘tgan yildan beri «Napoli» sharafini himoya qilib kelmoqda.
