«Барселона»нинг собиқ футболчиси ва бош мураббийи Хави Эрнандес жамоанинг ҳозирги таркибидаги энг кам баҳоланган ўйинчи кимлигини айтди.

Испаниялик мутахассис 2021 йилдан 2024 йилгача клубда бирга ишлаган ярим ҳимоячи Френки де Йонгни алоҳида қайд этди.

«Мен де Йонгни етарлича қадрланмайдиган футболчилардан бири деб ҳисоблайман. Бундай ўйинчилар ўз моҳияти билан менга ўхшаб кетади», — дея «кўк-анорранглилар»нинг афсонавий ярим ҳимоячиси, 46 ёшли Хавининг сўзларини келтиради BarcaTimes.

Френки де Йонг 2019 йилдан бери «Барселона» шарафини ҳимоя қилиб келмоқда. 28 ёшли нидерландиялик футболчининг Каталония гранди билан амалдаги шартномаси 2029 йилнинг ўрталарига қадар мўлжалланган.