«Барселона» собиқ бош мураббийи Хави Эрнандес Ламин Ямал кўрсатаётган ўйинлар ҳақидаги фикрлари билан ўртоқлашди. Вингер «кўк-анорранглилар» сафида 15 ёшида айнан испаниялик мутахассис даврида дебют қилган эди, Хави кетганидан сўнг эса — Ханс-Дитер Флик қўл остида — жаҳон даражасидаги юлдузга айланди.
«Ламин — танланган футболчи, футбол даҳоси, энди ҳаммаси унинг ўзига боғлиқ. У аллақачон энг юқори даражага чиқиб бўлди ва дунёнинг энг яхши, балки энг зўр ўйинчисига айланди. Бу менинг шахсий фикрим. Аммо энди ҳаммаси унинг менталитети ва иштиёқига, футбол тарихига киришни қанчалик хоҳлашига боғлиқ. Барчаси унинг ўз қўлида», — деди Хави ўз интервьюсида.
Эслатиб ўтамиз, яқинда Ямал жароҳат олди ва шу сабабли мавсумнинг қолган қисмини ўтказиб юборади.
