Севильянинг «Бетис» клуби ҳужумчиси Абде Эззалзули Испания чемпионатини тарк этиб, фаолиятини Англия Премьер-лигасининг топ-клубида давом эттириши мумкин. Бу ҳақда Fichajes журналистлари хабар бермоқда.
Манба берган маълумотларга кўра, «Ливерпуль» футболчини ўз сафига қўшиб олишга қизиқиш билдирмоқда. Мерсисайд клуби раҳбарияти 24 ёшли марокашлик ўйинчининг трансфери учун 60 миллион евро ажратишга тайёр. Айнан шу миқдордаги маблағ унинг шартномасида товон пули сифатида кўрсатилган.
Испания чемпионатининг жорий мавсумида Абде 24 та учрашувда майдонга тушди. У ўз ҳисобига 7 та гол ва 7 та голли узатмани ёздириб қўйди. Унинг амалдаги меҳнат шартномаси 2029 йилнинг июнь ойи якунига қадар мўлжалланган.
