Мадриднинг «Атлетико» клуби ҳужумчиси Хулиан Альварес, кўплаб миш-мишларга қараганда, келаётган ёзда «Барселона»га ўтиш ниятида. Марказий ҳужумчи позициясини кучайтириш — «кўк-анорранглилар»нинг трансфер бозоридаги асосий вазифаси бўлиб турибди ва 26 ёшли аргентиналик футболчи бу ўрин учун энг маъқул номзод бўлиб қолмоқда.
RAC1 маълумотларига кўра, «матрасчилар» юлдузининг агенти аллақачон мижозининг «Барселона»га ўтиши бўйича иш бошлаган. Бироқ, клублар ўртасида келишувга эришишдан ҳали анча йироқ — мадридликларнинг талаби ҳаддан ташқари юқори. Нуфузли Transfermarkt портали экспертлари Хулиан Альвареснинг бозор қийматини 90 миллион еврога баҳоламоқда. Футболчининг «Атлетико» билан амалдаги шартномаси 2030 йилгача мўлжалланган.
