Бразилия терма жамоаси бош мураббийи Карло Анчелотти миллий жамоа билан шартномасини узайтиришга яқин турибди. Бу ҳақда Sports.kz хабар берди.
AS нашри маълумотига кўра, Бразилия футбол конфедерацияси италиялик мутахассис билан 2030 йилгача мўлжалланган янги келишув имзолашни режалаштирмоқда. Ташкилот президенти Самир Шауд томонлар аллақачон принципиал келишувга эришганини таъкидлади.
«Ғоя шундан иборатки, жаҳон чемпионатидан олдинги сўнгги йиғинимизга қадар шартнома имзоланган бўлиши керак. Ҳозир фақат айрим ҳуқуқий масалаларни ҳал қилиш қолди. Ҳам у, ҳам Бразилия футбол конфедерацияси ҳамкорликни давом эттиришни истайди, биз унинг ишига ишонамиз. Анчелоттига ишончимиз жуда юқори — бежизга 2030 йилгача шартнома имзолашга яқин эмасмиз. Терма жамоа бош мураббийи масаласида барчаси назоратимиз остида», — деди функционер.
66 ёшли Карло Анчелотти 2025 йилда мадриднинг «Реал» клубидан кетгач, Бразилия терма жамоаси бош мураббийига айланган эди.













