Россия терма жамоасининг собиқ футболчиси Андрей Канчельскис «Манчестер Юнайтед»нинг муддатидан олдин Чемпионлар лигаси йўлланмасини қўлга киритгани ҳақида фикр билдирди.
«Футболчилар ёмон бўлмаган серия намойиш этишди. Кэррик келди ва мавсум финишини юқори даражада ўтказди. У яхши ишлади, Аморим даврида футболчиларда бўлган босимни олиб ташлади ва натижалар кела бошлади», — дея собиқ футболчининг сўзларини келтиради Metaratings.ru.
Эслатиб ўтамиз, Англия Премьер-лигасининг 35-тури доирасидаги ўз уйида кечган баҳсда «қизил иблислар» «Ливерпуль» устидан 3:2 ҳисобида ғалаба қозонди. АПЛ якунланишига уч тур қолганида «МЮ» 64 очко билан турнир жадвалида учинчи ўринни эгаллаб турибди.
