«Арсенал» ярим ҳимоячиси Деклан Райс Чемпионлар Лигаси 1/2 финали доирасидаги «Атлетико»га қарши жавоб учрашувининг (1:0) энг яхши футболчиси деб топилди. 27 ёшли инглиз футболчиси майдонда 90 дақиқа ҳаракат қилди, 9,9 км масофани босиб ўтди ва унинг узатмалари аниқлиги 91 фоизни ташкил этди.
«Арсенал» икки ўйин натижасига кўра (биринчи ўйин — 1:1) Чемпионлар Лигаси финалига йўл олди. Энди «тўпчилар» бош соврин учун «ПСЖ» — «Бавария» (биринчи ўйин — 5:4) жуфтлиги ғолиби билан куч синашади. Финал баҳси 30 май куни Будапештдаги «Ференц Пушкаш» стадионида бўлиб ўтади.
