Каталониянинг «Барселона» клуби Испанияда чемпионлик мақомини амалда нақд қилиб бўлди — катта эҳтимол билан бу кейинги турда, ўз майдонида «Реал»га қарши кечадиган баҳсда расмийлаштирилади. Бироқ каталонияликларда яна бир қўшимча мотивацион омил мавжуд: улар жорий мавсумда ўз уйларида ҳали бирор марта очко йўқотишмади. Бирорта дуранг, бирорта мағлубият йўқ — ўз майдонидаги барча ўйинларда фақат ғалаба қайд этилган.
«Барселона» Испания футболи тарихида бутун бир чемпионатни ўз уйида ҳеч қандай очко йўқотмасдан якунлаган илк клубга айланиши мумкин. Бунинг учун улар «Реал» ва «Бетис»ни мағлуб этиш кифоя. Шунда тарихий натижа қўлга киритилади.
