“Брайтон” ўзининг расмий сайти орқали бош мураббий Фабиан Хюрцелер билан шартнома узайтирилганини эълон қилди.

Янги келишув 2029 йилнинг ўрталаригача амал қилади. Хюрцелер “Брайтон”ни 2024 йилнинг ёзида қабул қилиб олган эди.

Ўшандан бери жамоа 85 та расмий ўйинда 37 та ғалаба, 24 та дуранг ва 24 та мағлубият қайд этди.

Ҳозирда “чайкалар” Премьер-лига мусобақа жадвалида саккизинчи ўринда бормоқда. “Брайтон” Англия чемпионатидаги навбатдаги ўйинини 9 май, шанба куни ўз майдонида “Вулверхемптон”га қарши ўтказади.