“Brayton” o‘zining rasmiy sayti orqali bosh murabbiy Fabian Xyurseler bilan shartnoma uzaytirilganini e’lon qildi.

Yangi kelishuv 2029 yilning o‘rtalarigacha amal qiladi. Xyurseler “Brayton”ni 2024 yilning yozida qabul qilib olgan edi.

O‘shandan beri jamoa 85 ta rasmiy o‘yinda 37 ta g‘alaba, 24 ta durang va 24 ta mag‘lubiyat qayd etdi.

Hozirda “chaykalar” Premyer-liga musobaqa jadvalida sakkizinchi o‘rinda bormoqda. “Brayton” Angliya chempionatidagi navbatdagi o‘yinini 9 may, shanba kuni o‘z maydonida “Vulverxempton”ga qarshi o‘tkazadi.