«ПСЖ» ҳимоячиси Ашраф Ҳакимийнинг тикланиш жараёни ҳақида маълумотлар пайдо бўлди.
Таниқли журналист Фабрис Хокинснинг таъкидлашича, марокашлик футболчи Лондоннинг «Арсенал» клубига қарши бўлиб ўтадиган Чемпионлар лигаси финал учрашувига тўлиқ тайёр бўлади. Ўйин 30 май куни Будапештда бўлиб ўтади.
Ҳакимий апрель ойи охирида сафдан чиққан эди ва «ПСЖ»нинг сўнгги икки ўйинини, жумладан, Чемпионлар лигаси ярим финали доирасидаги «Бавария»га қарши жавоб баҳсини ўтказиб юборди. Умуман олганда, ҳимоячи жорий мавсумда барча турнирларда 31 та ўйинда майдонга тушиб, ўз ҳисобига 3 та гол ва 9 та голли узатмани ёздириб қўйди.
«Арсенал»га қарши баҳсда парижликлар чемпионлик унвонини ҳимоя қилишади, чунки ўтган мавсумда айнан улар Чемпионлар лигаси ғолибига айланишган эди.
