«PSJ» himoyachisi Ashraf Hakimiyning tiklanish jarayoni haqida ma’lumotlar paydo bo‘ldi.

Taniqli jurnalist Fabris Xokinsning ta’kidlashicha, marokashlik futbolchi Londonning «Arsenal» klubiga qarshi bo‘lib o‘tadigan Chempionlar ligasi final uchrashuviga to‘liq tayyor bo‘ladi. O‘yin 30 may kuni Budapeshtda bo‘lib o‘tadi.

Hakimiy aprel oyi oxirida safdan chiqqan edi va «PSJ»ning so‘nggi ikki o‘yinini, jumladan, Chempionlar ligasi yarim finali doirasidagi «Bavariya»ga qarshi javob bahsini o‘tkazib yubordi. Umuman olganda, himoyachi joriy mavsumda barcha turnirlarda 31 ta o‘yinda maydonga tushib, o‘z hisobiga 3 ta gol va 9 ta golli uzatmani yozdirib qo‘ydi.

«Arsenal»ga qarshi bahsda parijliklar chempionlik unvonini himoya qilishadi, chunki o‘tgan mavsumda aynan ular Chempionlar ligasi g‘olibiga aylanishgan edi.