Бугун, 10 май куни АҚШнинг Ньюарк шаҳрида навбатдаги UFC 328 турнири бўлиб ўтди. Кечанинг марказий жангида БАА шарафини ҳимоя қилувчи Хамзат Чимаев ва америкалик Шон Стрикленд ўзаро тўқнаш келишди.

Ўрта вазн тоифасидаги чемпионлик камари учун кечган баҳс тўлиқ беш раунд давом этди. Жанг якунида ҳакамларнинг қарорига кўра, Шон Стрикленд ғалаба қозонган деб топилди ва у чемпионлик камарини яна қайтариб олди.

Ушбу натижадан сўнг Хамзат Чимаевнинг профессионал ММАдаги кўрсаткичи 16 та жанг, 15 та ғалаба ва 1 та мағлубиятни ташкил этмоқда. Бу Хамзат учун фаолиятидаги биринчи мағлубият бўлди. Шон Стрикленд эса ўз ҳисобидаги ғалабалар сонини 31 тага етказиб олди (7 та мағлубият).

Эслатиб ўтамиз, Хамзат Чимаев аввалги жангида Дрикус дю Плессини мағлуб этиб, чемпионлик камарини қўлга киритган эди. Стрикленд эса ушбу жангга қадар Энтони Эрнандесни нокаутга учратишга муваффақ бўлганди.