«Тоттенхэм» Англия чемпионатининг 36-тури доирасида ўз майдонида «Лидс» билан дуранг ўйнади — 1:1.

Иккинчи бўлим бошида мезбонлар сафида Матис Тель гол урди. 74-дақиқада меҳмонлар Доминик Калверт-Льюин томонидан аниқ амалга оширилган пенальти эвазига мувозанатни тиклашди.

Ҳакам иккинчи бўлимнинг асосий вақтига 13 дақиқа қўшиб берди.

«Тоттенхэм» 38 очко жамғарган ҳолда АПЛ турнир жадвалида 17-ўринни эгаллаб турибди. Мавсум якунини икки тур қолганида, хавфли ҳудудда бораётган «Вест Хэм» билан орадаги фарқ икки очкони ташкил этмоқда. «Лидс» эса 44 очко билан 14-поғонадан жой олган.

Навбатдаги турда «шпорлар» сафарда «Челси» меҳмони бўлишади, «Вест Хэм» эса «Ньюкасл» билан куч синашади.

«ТОТТЕНХЭМ» — «ЛИДС» — 1:1

Голлар: Матис Тель 50 (1:0), Доминик Калверт-Льюин 74-пен (1:1).

«Тоттенхэм»: Кински, Дансо, ван де Вен, Удоджи (Спенс, 85), Порро, Пальинья, Бентанкур (Бергвалль, 81), Галлахер, Тель (Мэддисон, 85), Коло Муани, Ришарлисон.

«Лидс»: Дарлоу, Бийол, Стрейк (Борнау, 56), Родон, Ампаду, Штах, Танака (Лонгстафф, 90+3), Джастин, Джеймс (Нмеча, 63), Калверт-Льюин, Ааронсон (Ньонто, 63).

Огоҳлантиришлар: Дансо (41), Пальинья (66), Порро (82) — Родон (79).