ЦСКА ярим ҳимоячиси Матвей Кисляк Европа ва Жанубий Американинг бир қатор гранд жамоалари эътиборига тушди. Инсайдер Экрем Конурнинг хабар беришича, 20 ёшли Россия терма жамоаси аъзосига «ПСЖ» (Франция), «Арсенал» (Англия), шунингдек, Бразилиянинг «Фламенго» ва «Палмейрас» клублари қизиқмоқда.
Манбага кўра, аввалроқ Туркиянинг «Фенербахче» клуби футболчини қўлга киритишга уриниб кўрган ва 2025 йилда ЦСКАга 12 миллион евро таклиф қилган эди.
Матвей Кисляк 2024 йилдан буён «армиячилар»нинг асосий таркибида тўп тепиб келмоқда. Жорий мавсумда таянч ярим ҳимоячиси барча мусобақаларда 41 та ўйинда майдонга тушиб, 8 та гол ва 8 та голли узатмани амалга оширди.
