Лондоннинг «Челси» клуби юлдузи Коул Палмер TNT Sports нашрига берган интервьюсида жамоадошлари орасидан ўз «бешлигини» танлаб олди.

Қизиқарли жиҳати шундаки, инглиз ярим ҳимоячиси ҳимоя чизиғи учун Рис Жеймс ва Тосин Адарабиойо номзодини танлади. Ярим ҳимояга Ромео Лавияни жойлаштирган Палмер, ҳужум чизиғини Жоао Педро ва Эстевао билан тўлдирди.

Маълумот учун, Коул Палмер 2023 йилда «Манчестер Сити»дан 47 миллион евро эвазига «аристократлар» сафига келиб қўшилган эди. Унинг «кўклар» билан амалдаги шартномаси 2033 йилнинг 30 июнига қадар имзоланган.

Жорий мавсумда Палмер лондонликлар сафида барча мусобақаларда 31 та учрашувда майдонга тушиб, 10 та гол ва 3 та голли узатмани ўз ҳисобига ёздириб қўйди. Transfermarkt портали 24 ёшли футболчининг бозор қийматини 110 миллион еврога баҳоламоқда.